આતમપંખી

 આ ત મ પં ખી 
 

આતમપંખી  પૂરાણું  કાયા  પીંજરે  રે,       
 મુક્તિ  કાજે  ફફડાવે  છે  પાંખ  રે,                      
 અંત  સમયે  વે’લા  આવજો  રે..                      
 વા’લા  અંત  સમયે હાથ  ઝાલજો રે….     
   પાંચ  તત્વોની  ઘડી  તેં  આ  પૂતળી  રે,       
 એના  ખેલ  બધા  તારે  હાથ  રે…..અંત  સમયે0          
        કાયા  કાચી  માટીનું  છે કોડિયું  રે,       
 એમાં  ભક્તિની પેટાવી  દ્યો જ્યોત  રે…અંત  સમયે0
        માયાનગરીમાં  જીવ  આ  ભૂલો  પડ્યો  રે,       
 એને  વૈરાગ્યની  વાંસળી  સંભળાવ રે… અંત  સમયે0
        હરિ હૈયાની  હાટડી સૂની  પડી  રે,       
 ભજન ભક્તિનો આપી  દે વેપાર  રે…અંત  સમયે0
        તન  તંબૂરો તૂ હી તૂ હી  બોલતો રે,       
 તારી ક્રુપાની  આપી  દે  કરતાલ  રે…અંત  સમયે0
        કરુણાના સાગર કાન  તમને  વિનવું રે,       
 તારાં  દર્શન્નાં  આપી  દે તું  દાન  રે….અંત  સમયે0
                                                       –કલ્પના  સ્વાદિયા.